Өмнөд Африкт ОУХХ энэхүү тэмцээнийг зохион байгуулах эрхийг тив болгонд жигд хөгжүүлэх бодлогын дагуу өгөхөд олон хүн тэдэнд эргэлзэж байлаа. Шигшээ баг нь өндөр зэрэглэлийн биш гэдгээсээ гадна цэнгэлдэх хүрээлэн бэлэн биш, аюулгүй байдал бүрэн хангагдаагүй зэрэг шалтгаануудыг саяхныг хүртэл шүүмжлэгчид сануулсаар байсан юм. Гэхдээ өнөөдөр ӨАБНУ-ын ард иргэд, Зохион Байгуулах Комисс хэрхэн тэмцээнд бэлдэж, юуг бэлэн болгож, ямар амжилтанд харсныг дэлхий нийт бахдан харж байна. Анх удаа хурдны галт тэрэг ашиглалтанд орон зорчигчдоо хүлээж, олон олон цэнгэлдэхүүд баригдан үзэгчдээ хүлээж, орчин үеийн зочид буудлууд үйлчлүүлэгчдээ хүлээж, салбар салбарт шинэ  ололт амжилтыг хэрэглэж байна. Өмнөд Африк бэлэн болжээ.